التخطي إلى المحتوى
فرصة من شركة سوني اليابانية “تدريب شركة Sony للطلبة”

img_02
شركة سوني كل سنة بتعمل تدريب في الصيف للطلبة اللي لسه متخرجوش” Undergraduates” في مقرات الشركة في اليابان ومعظمها بيبقا في Tokyo . وبتبقا مدفوعه الاجر والاقامة وتذاكر السفر وكل حاجه عليهم .

التدريب متاح لأي حد ومدته ممكن تبقى شهرين او 3 او 6 شهور على حسب رغبتك , والتسجيل فتح يوم 12-1 وهيقفل يوم 12-2 .

المجالات الي بيعملو فيها تدريب :

– Computer Vision , Image / Video Processing
– Machine Learning
– Electerical Engineering
– Computer Science
– Robotics & Medical Engineering
– Electronics
– Networks
– Signal Processing
– Machine Intelligent
– Technical Communication, Human Centered Design, Information Design
– في كورسات تدريب بتبقى حاجات مشتركه بين كذا نقطه

نصائح قبل ما تسجل :

1- اقرأ كل Training Programs كويس وشوف هم هيشرحوا ايه وايه التطبيق العملي عليه وايه المتطلبات الي الكورسات عايزاها , عشان لو اخترت تدريب وعملت Submit كل سنة وانت طيب مينفعش ترجع تختار حاجه تانيه , ولو اخترت تدريب محتاج خبره في مجالات انت مش عارفها هتترفض بسهوله .

2- عشان تسجل , اختار اي تدريب واملأ بياناتك الأساسية , هيبعتولك ايميل فيه Page هي دي الي هتملأ فيها كل حاجه عنك وهي دي الي لو عملت Submit ليها مش هينفع تغير فيها حاجه . وعادي ممكن في ال Page بتاعتك تغير التدريب وتغير اي بيانات طالما معملتش Submit

3- في خانة خاصة بال Honors و ال Publishing , هنا عايزين الجوائز للمسابقات او الحاجات العالمية المشهورة , وال Publishing للأبحاث وبراءات اختراعات .

4- في خانة لل technological strength/expertise ودي هتتكلم عن نقاط قوتك وخبرتك الي تعزز من مدى قبولك وتخليهم متمسكين بيك , وخانه لل image towards Sony and/or Japan ودي الهدف منها انه يشوف هل عندك تصور انك تفيد الشركة بعد كدا ولا مجرد انك جاي عايز تدريب وتمشي , يفضل لو عندك اي افكار مشاريع تفيدهم وكدا تكتبها وبلاش تكتبوا اي كلام فاضي الي هو عايزها تتقدم وتنجح وتبقا رقم واحد لان الكلام دا مبيأكلش عيش , وخانه لل what you expect to achieve or accomplish through this internship at Sony دي اكتب فيها انت عايز لما تروح الشركه تتعلم ايه وتشوف اجهزه ايه .. إلخ . ,, اهتم اول ب ال 3 دول لأن دول الي بيبصوا عليهم .

5- هترفع ال Resume بتاعك ويفضل انك تعمل واحد مخصوص ليهم وتبينلهم الحاجات المفيده وتمسح الحاجات الي ملهاش دعوه بمجالات الشركة لأن ال Resmue عايز بالكتير صفحتين لأن بيجيلهم ألاف الطلبات

6- هيبقا في انترفيو Online ودا يفضل تبقا متدرب عليه لأنه هيسألك في النقطة رقم 4 .

7- هتلاقي حاجه اسمها Download as PDF لما تعمل Submit . دا هينزلك نسخة من الابليكيشن بتاعك . نزلها وخليها معاك , هتحتاجها بعد كدا لو اتقبلت بإذن الله .

8- في تدريبات كتير مكتوب فيها انهم عايزين ماستر او Doctor Dgree , فكك من الخانة دي في كل التدريبات لأن هم بيستخدمو ال System بتاع الوظائف ف هو كاتب التدريب المخصص للوظائف دي ف قدم عادي .

9- أي تدريب مكتوب فيه انه عايز Expertise لأنه هيتدرب في R&D نصيحة متقدمش في التدريب دا الا لو انت فعلا Expertise ومعاك كل الكورسات الي هو كاتبها , لأنه هتلاقيه كاتب ان R&D اهم قسم في الشركة وكلام كدا .

10- متكسلش وتحط اللينك في ال Bookmarks لان التدريبات دي نص الي بيتدربو فيها بيشتغلو في سوني بعد كدا . وكل يوم راجع على بياناتك قبل ما تعملها Submit وعادي لما تقعد اسبوع تكتب فيهم لأن لسه بدري على الميعاد .

اللينك الرسمي التدريب :
http://www.sony.net/SonyInfo/Careers/jphq/internship/index.html

لينك التدريبات المتاحه :
https://www.global-careers-student.sony.net/u/job.phtml

img_04

img_03

img_06
بالتوفيق للجميع

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

DMCA.com Protection Status