التخطي إلى المحتوى
فيديو سواق التوكتوك يشعل ثورة الغلابة 11/11 يصف حال مصر برنامج واحد من الناس فيديو سائق التوك توك الممنوع من العرض باوامر السيسي
فيديو سواق التوكتوك

بتشتكي من ايه، هذا كان السؤال فقط من عمرو الليثي، بجولة رصد شكاوى الناس فى الشارع بقناة الحياة، وبرنامج واحد من الناس، حينها انفجر الشاب الذى يعمل كسائق توكتوك، بكل جراءة وشجاعة حول السؤال بتشتكي من ايه ؟ هسألك سؤال واحد بس، هكذا قال لعمروا الليثي اولا .

سائق التوكتوك يفجر ثورة الغلابة 11/11/2016

دولة لها برلمان ولها مؤسسات عسكرية ومؤسسات امنية خارجية وداخلية ولها عشرين وزارة ، حالها يبقي بالوضع ده ازاي ؟، قبل انتخابات الرئاسة كان هناك الكثير من السكر لدينا والارز ايضا ويتم تصديره ايضا ايه اللي حصل وراح فين ، نتفرج علي التلفزيون نلاقى مصر فيينا ننزل فى الشارع نلاقى بنت عم صومال، الناس اللى فوق اللى رايحين يحتفلوا، جايبين 38 وفد يصرفوا عليهم 25 مليون جنية والمواطن الفقير مش لاقى كيلو الرز .

اضاف ان المشاريع القومية ليس لها اي نفع للمواطن، وان التعليم لدينا اتفه مما يتخيل، مؤكدا ان المواطن لا يتعلم وليس لدية الصحة الجيدة ومش لاقى ياكل، واعملوا مشاريع قومية، ازاي هيستفاد بيها، مؤكدا ضرورة الاهتمام بالصحة والتعليم والزراعة عشان مصر تنهض، لو المواطن لقى الثلاث اشياء لن يقدر عليه اي احد غير ربنا، من 100 سنة اليابان اتت لدراسة النهضة المصرية .

دى مصر اللى كانت مسلفة بريطانيا تانى دولة فى العالم لعمل خط سكة حديد، دى مصر ، اللى كان عندها اكبر احتياطى نقدى فى العالم، دى مصر، اللى كانت تحت امرتها تشاد والسودان والسعودية، الان حبة دول فى الخليج بيضحكوا علينا وبيتريقوا علينا، اللى كانت التشريفة لينا من 70 سنة كسوة الكعبة تطلع من مصر، هل ده يليق بمصر ، مفيش حد قلبة على مصر يقول لا حرام ميرضيش ربنا شوية تجار ضحكوا علينا بشوية شعارات “الديموقراطية – العدالة الاجتماعية”، وعهودهم بعيده كل البعد عن الديموقراطية والعدالة .

نعتذر عن ازالة الفيديو من جانب قناة الحياة

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

DMCA.com Protection Status