الرئيسية » سيارات » ازاى أعمل فحص للفتيس المانيوال
ازاى تعمل فحص للفتيس المانيوال

ازاى أعمل فحص للفتيس المانيوال

ازاى تعمل فحص للفتيس المانيوال

هنتكلم النهاردة عن فحص المانيوال

1 – أول حاجة شوف الدبرياج ..
لازم يكون البدال معقول يعنى مش محتاج قوة مفرطة او فى نفس الوقت خفيف و سايب لازم يكون موزون .. مش تقيل ولا خفيف لان فى الحالتين لو تقيل او خفيف دة دليل على مشكلة فى طقم الدبرياج
لازم يكون موزون ..

2 – طب نفحص الدبرياج ازاى ؟
دور العربية و خليك على السلانسية و بعدين هتدوس دبرياج و تسيب براحة و واحدة واحدة لو سمعت صوت طقطقة خفيفة او ونة بتختفى لما البدال يرجع مكانة يبقى كدة الدبرياج بيودع طب لو مفيش ونة ..
دوس تانى و أدى للعربية الأولانى … و زود سنة بنزين ايوة عادى اكنك هتطلع بالعربية لو العربية أتحركت فى نص المشوار بتاع البدال يبقى كدة الدبرياج مزبوط و ذى الفل طب لو اتحركت اول لما ابتديت ارفع رجلى من على الدبرياج عند الارضية يعنى يبقى اية ؟؟ يبقى كدة الدبرياج واطى و عايز يتزبط … طب و لو ولا دة ولا دة و العربية ابتدتت تتحرك اول لما سبت الدبرياج خالص يبقى اية ؟ يبقى الدبرياج عالى و برضة عايز يتزبط
لانة فى الحالتين مش موزون

3 – دوس دبرياج و عشق كل الغيارات و العربية واقفة و مبطلة و مرة و هى دايرة سلانسية و مرة تالتة لو العربية حلوة و اتفقت و طلعت تجربها مع صاحبها تعشق كل الغيارات
لو الغيارات فى المرات دى كلها بتروح و تيجى معاك بسهولة و سلاسة يبقى الفتيس كدة تمام
لو غيار عصلج ( مرضاش يعشق )
عضعضة ( سمعت كركرة و انت بتعشقة )
سمعت ونة خفيفة او عالية
الغيار نط من مكانة ( عصاية الفتيس رجعت للمور تانى لوحدها بعد ما تعشق غيار او بعد شوية ) يبقى تخلع علطول من العربية دى
لان كدة فتيسها رايح فى داهية و هتصرف علية كتير لو اشتريت العربية

كدة خلصنا انك ازاى تعمل Check على الفتيس المانيوال

 

مـواضيـع أخــرى

أضف تعليق عبر الفيس بوك

Galaxy S7 يطرح في السوق الأمريكي 11 مارس المقبل ……!

إبلاغ عن انتهاك