التخطي إلى المحتوى
طريقه فحص موتور السياره المستعمله

موضوع النهاردة طويل حبة
بس يستحق القراية و كلة عشان خاطر مترميش فلوسك فى عربية بايظة و موتورها معدووم ..
لازم النهاردة نتكلم فى نقطة مهمة
بعد حوارات العربيات الجديدة و المستعملة اللى بقت كتيرة اليومين دول …
و هى فحص الموتور بتاع العربية اللى هتشتريها ..
نيجى بقى للشغل المهم .. هنقول الحاجات اللى تخليك تطمن لموتور العربية ..
1 – دور العربية و دوس حبة بنزين و بص على الشكمان لو بينزل ماية مع هوا سخن
يبقى الموتور دة ممتاز ( الموتور بيعرق )
و دى حاجة حلوة جدا
2 – لفات ال RPM بتاعتة قليلة على 950 و 900 و هى واقفة دى حاجة حلوة جدا برضة
3 – هواء ساخن غير مرئي ف الصيف ، أو شبيه للبخار الذي ينتج عن غليان الماء على النار ف الشتاء
يبقى دة برضة موتور ممتاز ..
4 – دوس بنزين و شوف الموتور حساس لدواسة رجلك و لا لا .. و بيستجاب بسرعة ولا لا
الحالات بقى اللى تخلع من العربية فيها
1 – لو الشكمان بيطلع دخان اسود
دة معناة ان لسة فى بنزين نى متحرقش فى الموتور و اللى بيحصل ان الرشاشات بتبخ كمية بنزين زيادة عن المعتاد او فوق الحاجة للموتور و كدة الموتور مش مظبوط و لو كاربراتير تبقى عاوزة ظبط كاربراتير
2 – طب دخان ابيض ؟
دى مصيبة اكبر … دليل على ان فى زيت محروق عشان اتسرب لغرفة الاحتراق
هااااار اسووح
ايوة و معناة ان العربية عاوزة حاجة من دى
– طقم شمبر بايظ
– وش سلندر مشروخ
– صبابات منتهية
– اويل سيلات .
3 – دخان ازرق … يبقى دة خلط زيت مع بعضة .. فتيس على موتور
4 – افتح الكابوت و بص كويس فى كل الجوانب شوف فى اى سلوك او وصلات مش مكانها الطبيعى
شوف فى اى تسريب ل اى سوائل من زيت او ماية
او اى تسريب عموما
لو لاقيت اى حاجة من كدة تخلع فورا …
فى بقى نقطتين بس عاوزة اشباح بقى ?
هما ممكن يكونة اسهل بالنسبة لناس كتير و هيبقو الفيصل فى حاجات كتير
1 – بعد ما تجرب كل اللى فوق دة
دور العربية و سخنها و اجرى على الموتور اسحب مقاس الزيت و خد من الزيت على صوابعك و افركة ب ايدك لو لاقيت ان فى رايش او بودر خفيف كدة
يبقى تخلع على طول يا كبير …
طب لية ؟
ده معناه أن في تأكل داخلي في سيبيكة الموتور و داخل على عمرة قريب حتى لو الشكمانبتاعه سليم و صوته حلو لان صوت السيبكة مش بيسمع غير لما بيكون التأكل فيها جامد
2 – قبل م تدور العربية أفتح الريداتير نفسه أو قربة المياه و ركز فى منسوب الماية كويس و لاحظ بعد م تدور لو الماية ذى ما هي منزلتش شوية أو نزلت حاجة بسيطة يبقى زي الفل , أما لو منسوبها زاد ف القربة أو عليت أوي ف الريداتير بلغ فرار على طول لان ده معناه أن في تسريب لكبس الموتور لدورة التبريد و داخل على كارثة قريب أقلها جوان وش و أنت طالع يا كبير
ولازم برضه تتأكد أن المياه بتجري ف الردياتير أو بترعش شوية ف القربة مما يدل أن طلمبة الماية شغالة كويس لان لو لاحظت أن المياه ثابتة و مش بتتحرك ده معناه أن الطلمبة رايحة ف داهية و العربية بتسخن و بلاش توجع دماغك …

 

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

DMCA.com Protection Status